დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრი

განცხადებები

მოქალაქეები ხშირად მოგვმართავენ თხოვნით, გავცეთ ცნობა მიწისძვრის ხდომილების შესახებ, რომელსაც შემდგომში წარადგენენ სადაზღვევო კომპანიებში ზარალის ასანაზღაურებლად.

სადაზღვევო აგენტები, ჩვენი ინსტიტუტის მიერ გაცემული ცნობის საფუძველზე, რომელიც მხოლოდ და მხოლოდ მიწისძვრის ხდომილებას ადასტურებს, ვეჭვობთ, გასცემდნენ სანქციას ზარალის ანაზღაურების თაობაზე.

აღნიშნული არაკეთილსინდისიერი ფაქტების აღმოფხვრის მიზნით, დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრი დამატებით აღარ გასცემს მსგავსი შინაარსის ცნობას.

ინფორმაცია მიწისძვრის ხდომილების შესახებ არის საჯარო და განთავსებულია ჩვენს ოფიციალურ გვერდზე (ies.iliauni.edu.ge).

ალბათური სეისმური საშიშროების შეფასება კავკასიაში

დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის თანამშრომლებმა მონაწილეობა მიიღეს 2017 წლის 23-27 ოქტომბერს გამართულ სამეცნიერო ვორქშოპში, აზერბაიჯანში, ქალაქ ბაქოში. სამეცნიერო ღონისძიება აზერბაიჯანის რესპუბლიკური სეისმური ცენტრისა (RSSC) და უკრაინის მეცნიერებისა და ტექნოლოგიების ცენტრის (STCU) ორგანიზებით ლაურენს ლივერმოლისა ეროვნული ლაბორატორიისა (LLNL) და ამერიკის შეერთებული შტატების ენერგიის დეპარტამენტის (U.S. DOE) მხარდაჭერით განხორციელდა. ვორქშოპს უმასპინძლა აზერბაიჯანის ეროვნულ მეცნიერებათა აკადემიამ.

სამეცნიერო ღონისძიებამ მოიცვა შემდეგი საკითხები:

IRIS Data Management Tools

ObsPy (Phyton Toolbox for Seismology);
SeisComp3 (Data Acquisition and Processing Tool);
ILoc (Event ocation Tool).

ვორქშოპში საქართველოსთან ერთად მონაწილეობდა ა.შ.შ., გერმანია კანადა, თურქეთი, უნგრეთი, უკრაინა, ტაჯიკეთი, საუდის არაბეთი, კატარი, ომანი, ლიბანი, ყირგიზეთი, იორდანია, ერაყი, არაბეთის გაერთიანებული ემირატები, თურქმენეთი და აზერბაიჯანი, როგორც მასპინძელი ქვეყანა.